Colmar-Berg

Wëllkomm bei der Nuit du Sport 2024 zu Colmer!

Den 08. Juni verwandelt sech d'Schwämm "Nordpool" zu Colmar-Berg an eng sportlech Oase voller Spaass an Aktivitéiten. Vun 18h30 bis 23h00 luede mir Iech häerzlech an, Deel vun dësem onvergiesslechen Owend voller Beweegung, Spill a Gemeinschaft ze sinn.

Gebuede ginn eng Vilfalt un Aktivitéiten, déi fir all Altersgruppe passend sinn:

Fir déi kleng Visiteure ginn et zwee Kannerbasengen an deenen se ënner anerem un Ënnerwaasserspiller deelhuele kënnen oder och einfach Intenfëschen kënnen, eng Erfahrung déi d'Kanner begeeschtere wäert.

D'Leit, déi sech sportlech auspoweren wëllen, kënnen sech op Wasservolleyball, Waasserball an op e Rutschwettbewerb op eiser Rutschban freeën. Fir déi Leit , déi schonn ëmmer ee mol iwwert d'Waasser lafe wollten ouni naass ze ginn, hu mir zwee riseg Waasserbäll déi 100% Spaass garantéieren.

Baussen an der Wiss waart e Sprangschlass op d'Kanner, sou wéi och de Foodtruck vun "Lëtzeburger" fir de kléngen Honger. Fir Iessen a Gedrénks ass also beschtens gesuergt.

D'Nuit du Sport zu Colmer ass méi wéi just eng Manifestatioun; se ass e Fest vum Sport, vun der Gemeinschaft a vum Zesummenhalt. Dank der Ënnerstëtzung vun der Gemeng Colmar-Berg an der Organisatioun vun der Nordstadjugend a.s.b.l. an dem "Nordpool" gëtt dëse Owend zu engem Highlight vum Joer.

Sidd dobäi!

Mir freeën eis op Iech an Är Famill fir e lëschtegen Owend voller Spaass, Beweegung an onvergiesslech Momenter. Markéiert de Datum an Ärem Kalenner a loosst eis zesummen d'Nuit du Sport 2024 zu engem Succès maachen!